Edukim për natyrën, me në qendër komunitetin!

Në kuadër të projektit Coastrust, të financuar nga programi i BE Interreg EuroMED, organizuam disa aktivitete ndërgjegjësuese me nxënësit e gjimnazit të Velipojës.

Fokusi i aktiviteteve ishte Peizazhi i Mbrojtur i Lumit Buna dhe territori i ligatinave përreth tij. Duke qenë një zonë e gjerë dhe me biodiversitet të lartë, ruajtja e saj nuk është e mundur pa ndërgjegjësimin dhe përfshirjen aktive të komunitetit.

Projekti COASTRUST sjell në vëmendje modelin e kujdestarisë mjedisore, që synon t’i japë komunitetit një rol aktiv në mbrojtjen e zonave të mbrojtura. Me nxënësit diskutuam për vlerat e veçanta të zonës, rolin e tyre si kujdestarë të natyrës dhe rëndësinë e promovimit të vendlindjes përmes turizmit të qëndrueshëm.

Aktiviteti u kombinua me një vizitë në Qendrën e Vizitorëve të ZM Buna–Velipojë si dhe një aksion pastrimi përgjatë bregut të detit.

Një hap i vogël, por me ndikim të madh në ndërtimin e një kulture kujdesi për natyrën që na rrethon!

 

#Coastrust #InterregEuroMed #VelipojëPaPlastikë #KujdestariaMjedisore #BunaProtectedLandscape #RiniaPërNatyrën 

 

• 
• 
• 
• 
• 
• 
• 
• 
• 
•