INCA & BeMed+: Aleatë për një Mesdhe të Pastër

INCA & BeMed+: Aleatë për një Mesdhe të Pastër

INCA po koordinon zbatimin në Shqipëri të projektit BeMed+ — Përtej Plastikës në Mesdhe: Angazhim për një Det Mesdhe Pa Plastikë, një iniciativë që financohet nga Fondi Francez për Mjedisin Global (FFEM) dhe zbatohet nga BeMed, Surfrider Foundation Europe dhe IUCN.

BeMed+ është një projekt rajonal që synon të reduktojë ndotjen nga plastika përmes veprimit në terren, përfshirjes së komunitetit dhe inovacionit të qëndrueshëm.

Në Shqipëri, projekti fokusohet në pellgun ujëmbledhës të lumit Shkumbin, ku po pilotojmë modele novatore dhe gjithëpërfshirëse për menaxhimin e mbetjeve plastike në bashki, sektorin HoReCa dhe turizmin sportiv.

Rezultatet e fazës së parë përfshijnë:

– Hartëzimin e pikave me ndotje plastike

– Vlerësimin e kuadrit ligjor ekzistues

– Angazhimin aktiv të të rinjve si vullnetarë në terren, të cilët kontribuan me pasion në monitorimin e ndotjes dhe ndërgjegjësimin e komuniteteve

– Hartimin e një dokumenti politikash me rekomandime praktike

Konferenca Kombëtare bashkoi aktorët kryesorë për të nxitur dialogun dhe për të hedhur themelet e një plani lokal veprimi, që aktualisht është në zhvillim.