Procesi i monitorimit të lumit Shkumbin – Vjeshtë & Dimër

Në kuadër të projektit BeMed+, Agjencia e Sportit dhe Turizmit në Elbasan ka realizuar një proces të vazhdueshëm monitorimi të lumit Shkumbin sipas metodologjisë OSPAR, duke nisur në sezonin e vjeshtës dhe duke vijuar në sezonin e dimrit.

Monitorimi është kryer në dy pika testimi: Elbasan dhe Librazhd, duke sjellë një panoramë të plotë mbi gjendjen e lumit.

Rezultatet kryesore:

• Plastika përbën mbi 90% të mbetjeve të identifikuara.

• Shishet e pijeve janë mbetjet më të përhapura në të dyja pikat.

• U evidentuan gjithashtu copëza plastike, ambalazhe ushqimore dhe polistiren, si burime të tjera të ndotjes.

Ky proces është shoqëruar me aksione pastrimi në bashkëpunim me shkollat, pushtetin vendor dhe këshillat rinorë lokalë, duke e kthyer monitorimin shkencor në veprim konkret për mjedisin.

Monitorimi i vazhdueshëm na ndihmon të kuptojmë më mirë burimet e ndotjes dhe të forcojmë angazhimin e komunitetit për një Shkumbin më të pastër!