Së bashku për të reduktuar ndotjen plastike në Detin Mesdhe!

Jemi vërtet të lumtur të jemi pjese e Komunitetit te Praktikës së BeMed i cili u mblodh në HIGGS në Athinë në datat 17-18 Prill 2024, duke përfshirë promovimin e fundit të Laureatëve të mikro-iniciativave.

 

Një herë në vit, ata takohen personalisht për të punuar në çështjet e tyre të ngjashme dhe për të ndarë përvojat e tyre. Është një shans për të krijuar lidhje mes palëve të interesuara lokale mesdhetare dhe për të mësuar nga njëri-tjetri.

 

Ky Komunitet Mesdhetar i Praktikës bashkon të gjithë anëtarët e rrjetit BeMed të përzgjedhur që nga viti 2017 gjatë thirrjeve për mikro-iniciativa dhe thirrjes së parë për projekte në ishujt e Mesdheut. Këta aktorë lokalë po punojnë së bashku për të reduktuar ndotjen plastike në Detin Mesdhe.

 

Kjo ngjarje vjetore krijon mundësinë për anëtarët e Komunitetit të Praktikës që të takohen fizikisht dhe të krijojnë sinergji. Gjatë gjithë vitit, ata punojnë për problemet që hasin, përfitojnë nga ekspertiza e të tjerëve dhe ndajnë përvojat për të gjetur zgjidhje kolektive.

 

Dita e parë, 17 Prill 2024 u fokusua në punën angazhuese në nëngrupe, diskutime të thella mbi çështjet e përhapura dhe një hyrje magjepsëse në artin e tregimit.

 

Dita e dytë, 18 Prilli 2024, iu kushtua një vizite në terren për të zbuluar se si po trajtohet ndotja plastike në Greqi.

 

Në këtë event, Komuniteti i Praktikës së BeMed pati nderin të mirëpresë H.S.H Princin Albert II të Monakos gjatë Ditës së Laureatëve të BeMed. Ishte rasti që anëtarët e Komunitetit të Praktikës të paraqisnin përfundimet e punës së tyre. Gjatë ditës, anëtarët punuan për problematika të ndryshme si:

 

Si të përfshihen qytetarët në planin afatgjatë?

Si të nxjerrim në pah koston e plastikës?

Si t'i vendosim të gjithë palët e interesuara rreth të njëjtës tryezë?

 

Ishte gjithashtu një mundësi e shkëlqyer për të diskutuar se çfarë roli mund të luajë shteti në luftën kundër mbetjes plastike dhe si të gjejmë zgjidhje të gjithë së bashku.

 

Mirënjohja më e mirë dhe falënderim i veçantë për BeMed për mundësinë e jashtëzakonshme për t'u lidhur me kolegët Laureatë.

 

Takimi personalisht, mësimi rreth projekteve të ndryshme dhe angazhimi me komunitetin, ishte vërtet një eksperiencë pasuruese.

 

Mirëpresim bashkëpunimet e ardhshme dhe përfshirjen e vazhdueshme në këtë komunitet frymëzues!

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•