Takim Konsultativ për Edukimin Mjedisor dhe Rrjetëzimin e OJF-ve – Vlorë

Takim Konsultativ për Edukimin Mjedisor dhe Rrjetëzimin e OJF-ve – Vlorë

Në kuadër të përpjekjeve për forcimin e rolit të shoqërisë civile në fushën e edukimit mjedisor, në Vlorë u zhvillua një takim konsultativ me pjesëmarrjen e përfaqësuesve të OJF-ve dhe aktorëve lokalë.

Takimi kishte si qëllim krijimin e një rrjeti kombëtar të organizatave të shoqërisë civile, që do të bashkëpunojnë në mënyrë të qëndrueshme për promovimin e edukimit mjedisor në shkollat 9-vjeçare dhe në komunitetet më të gjera në Shqipëri.

Gjatë këtij dialogu u hodhën bazat për:

– Shkëmbim përvojash dhe praktikash të mira

– Bashkëpunime afatgjata ndërmjet organizatave

– Hartimin e një kornize të përbashkët veprimi për përfshirjen aktive të OJF-ve në institucionet arsimore

Aktiviteti u organizua në kuadër të projektit “Mbrojtja Mjedisore – Edukimi dhe Ndryshimi i Sjelljes ndaj Mjedisit (EP–EACH)”, i financuar nga Delegacioni i Bashkimit Evropian në Tiranë dhe i zbatuar nga INCA, në partneritet me Shoqatën Kombëtare të Parqeve të Shqipërisë (SHKPSH) dhe UNICEF si partner i asociuar.