Takim me Këshillin Bashkiak të Librazhdit për reduktimin e ndotjes plastike

Në seancën e fundit të Këshillit Bashkiak të Librazhdit, u prezantua projekti Beyond Plastic Med - BeMed dhe u diskutua mbi Planin Lokal të Veprimit për reduktimin e ndotjes plastike njëpërdorimshe në pellgun e lumit Shkumbin.

Ky takim shërbeu si një hap i rëndësishëm për:

• Prezantimin e objektivave dhe veprimtarive të projektit BeMed+.

• Diskutimin e masave konkrete për reduktimin e ndotjes plastike.

• Theksimin e rolit të Bashkisë, sektorit HoReCa dhe turizmit sportiv në zbatimin e planit.

• Identifikimin e mundësive të bashkëpunimit për mbrojtjen e mjedisit.

Pellgu i lumit Shkumbin ka rëndësi të veçantë për komunitetin dhe zhvillimin ekonomik e turistik të zonës. Angazhimi i përbashkët i institucioneve dhe aktorëve lokalë është thelbësor për të siguruar një të ardhme më të pastër dhe të qëndrueshme.

Falënderojmë Këshillin Bashkiak të Librazhdit për hapësirën e dhënë dhe për mbështetjen në këtë proces.