Bashkë për natyrën dhe komunitetin – Trajnim për eko-turizëm dhe menaxhimin e vizitorëve

Më 16.09.2025 në Maqellarë, zhvilluam trajnim me barinjtë dhe guidat turistike të zonës, për të ndërtuar kapacitete për aktivitetet eko-turistike dhe menaxhimin e vizitorëve në mënyrë të qëndrueshme.

Pjesëmarrësit treguan se eko-turizmi nuk është vetëm një mundësi për të ndarë bukuritë natyrore dhe traditën lokale, por edhe një rrugë për të përmirësuar mirëqenien e tyre ekonomike dhe për të ruajtur kullotat si pasuri të përbashkët.

Ky trajnim solli ide të reja, frymë bashkëpunimi dhe vizion për një të ardhme ku natyra, kultura dhe komuniteti ecin dorë për dore.

Kullotat dhe pyjet nuk janë vetëm pasuri natyrore, ato janë mundësi për zhvillim të qëndrueshëm. Duke i ruajtur me kujdes dhe duke i përfshirë në aktivitete turistike të menduara mirë, komunitetet lokale mund të përmirësojnë mirëqenien e tyre, të promovojnë trashëgiminë kulturore dhe të mbrojnë biodiversitetin për brezat që vijnë.