INCA merr pjesë në Konferencën e parë Kombëtare të projektit RIVERCLEAN

Në kuadër të sinergjisë me organizata të tjera, shkëmbimit të eksperiencave dhe bashkëpunimit ndërinstitucional, INCA mori pjesë në Konferencën e parë Kombëtare të projektit RIVERCLEAN: “From Data to Policy Action: Tackling Plastic Pollution in the Vjosa and Ishmi Basins”, ku u diskutuan hapa konkretë për adresimin e ndotjes plastike në pellgjet e lumenjve Vjosë dhe Ishëm.

Gjatë panelit të dedikuar për monitorimin e lumenjve ndaj ndotjes plastike, INCA ndau përvojën e punës me projektin BeMed+ në pellgun e Shkumbinit, në tre sektorë kryesorë:

• Menaxhimi i mbetjeve plastike nga bashkia,

• Reduktimi i ndotjes plastike nga sektori HoReCa,

• Bashkëpunimi me turizmin sportiv për monitorim dhe ndërgjegjësim.

U prezantua metodologjia OSPAR e monitorimit, e realizuar në bashkëpunim me operatorët e rafting-ut, bashkitë e Elbasanit dhe Librazhdit, si edhe me organizata lokale. Aktivitetet e monitorimit shpesh janë kombinuar me edukim për nxënësit dhe aksione pastrimi, duke i bërë komunitetet pjesë të zgjidhjes. Veçanërisht, metodologjia OSPAR është një model i fortë për citizen science, duke angazhuar komunitetin që të kuptojë më mirë ndotjen plastike në lumenj dhe të kontribuojë aktivisht në zgjidhje.

Rezultatet e monitorimit në lumin Shkumbin treguan se rreth 90% e ndotjes është plastike, kryesisht shishe dhe fragmente plastike.

Ky takim ishte një mundësi e vlefshme për të ndarë përvoja, për të forcuar bashkëpunimin dhe për të kthyer të dhënat në veprime konkrete për politika më të qëndrueshme.